കണ്ണൂര്‍ പയ്യാവൂരില്‍ വിദ്യാര്‍ഥിനി പുഴയില്‍ മുങ്ങി മരിച്ചു

Jun 9, 2025, 3:32 am GMT+0000 payyolionline.in

കണ്ണൂര്‍ പയ്യാവൂരില്‍ വിദ്യാര്‍ത്ഥിനി പുഴയില്‍ മുങ്ങി മരിച്ചു. കോയിപ്രയിലെ വട്ടക്കുന്നേല്‍ ഷാജീവിന്റെ മകള്‍ അലീനയാണ് മരിച്ചത്. 13 വയസായിരുന്നു. സഹോദരനോടൊപ്പം കുളിക്കാന്‍ പോയപ്പോള്‍ കാല്‍ വഴുതി വീഴുകയായിരുന്നു. ഞായറാഴ്ച വൈകിട്ട് നാലു മണിയോടെയാണ് സംഭവം. പൈസക്കരി ദേവമാത സ്‌കൂളിലെ ഒമ്പതാം ക്ലാസ് വിദ്യാര്‍ഥിയാണ് അലീന. സഹോദരന്‍ ജോര്‍ജ്.മറ്റൊരു സംഭവത്തില്‍ കണ്ണൂര്‍ ചൂട്ടാട് നാല് കുട്ടികള്‍ പുഴയില്‍ ഒഴുക്കില്‍പ്പെട്ടു. ഒരാള്‍ മരിച്ചു. മറ്റ് മൂന്ന് കുട്ടികളെ രക്ഷപ്പെടുത്തി. ചൂട്ടാട് സ്വദേശി ഫൈറൂസ് ഫൈസലാണ് മരിച്ചത്. 14 വയസായിരുന്നു.