പുതുപ്പണത്ത് വീട് കുത്തിത്തുറന്ന് മോഷണം

Jan 30, 2026, 7:40 am GMT+0000 payyolionline.in

വടകര: പുതുപ്പണം പാലോളിപ്പാലത്ത് വീട് കുത്തിത്തുറന്ന് മോഷണം. പാലോളിപ്പാലം ശ്രീ മംഗലം നിവാസ് രവീന്ദ്ര ബാബുവിന്റെ വീട്ടിലാണ് മോഷണം നടന്നത്. മുന്‍ ഭാഗത്തെ വാതില്‍ കുത്തിപ്പൊളിച്ച് അകത്ത് കടന്ന മോഷ്ടാക്കള്‍ അയ്യായിരത്തോളം രൂപ കവര്‍ന്നതായാണ് വിവരം. രവീന്ദ്രനും ഭാര്യയും അഞ്ചു ദിവസമായി മാഹിയിലെ സ്വന്തം വീട്ടിലായിരുന്നു. ഇതിനിടയിലാണ് ഇന്നലെ രാത്രി കളവ് നടന്നത്. അലമാരയിലെയും മേശയിലെയും സാധനങ്ങളെല്ലാം വാരിവലിച്ചിട്ട നിലയിലാണ്. സ്വര്‍ണമാണ് മോഷ്ടാക്കള്‍ ലക്ഷ്യമിട്ടതെന്ന് കരുതുന്നു. എന്നാല്‍ തരിമ്പ് സ്വര്‍ണം പോലും ഇവിടെ വെച്ചിരുന്നില്ല. അയല്‍വാസി രാവിലെ ലൈറ്റ് ഓഫാക്കാനായി വീട്ടിലെത്തിയപ്പോഴാണ് വാതില്‍ കുത്തിപ്പൊളിച്ചത് ശ്രദ്ധയില്‍പ്പെട്ടത്. വടകര പോലീസ് സ്ഥലത്തെത്തി വിവരങ്ങള്‍ ശേഖരിച്ചു.

5 ദിവസം അവധിയെടുക്കേണ്ട, കോട്ടയത്തെയും കൊച്ചിയിലെയും ഗതാഗതക്കുരുക്ക് ഒഴിവാക്ക ..