തിരുവനന്തപുരം: സംസ്ഥാനത്തെ കോളജ് ഹോസ്റ്റലുകളിൽ നിയന്ത്രണം ശക്തമാക്കാൻ ഉന്നതവിദ്യാഭ്യാസ വകുപ്പ്. അനധികൃത താമസക്കാരെ ഒഴിവാക്കാനായി ഹോസ്റ്റലുകളിൽ പരിശോധനകൾ നടത്താനാണ് തീരുമാനം. 2023ൽ ഹോസ്റ്റലുകളിലെ അധികൃത താമസക്കാരെ ഒഴിവാക്കാനിറക്കിയ ഉത്തരവ് കർശനമായി നടപ്പാക്കാൻ പ്രിൻസിപ്പലുമാർക്കും ഹോസ്റ്റൽ വാർഡൻമാർക്കും കോളജ് വിദ്യാഭ്യാസ ഡയറക്ടറേറ്റ് നിർദ്ദേശം നൽകി. ഹോസ്റ്റലുകളിൽ അനധികൃത താമസക്കാരുണ്ടോയെന്ന് കണ്ടെത്താൻ പരിശോധനകളും നടത്തും. സർവ്വകലാശാലകൾക്കും കോളേജുകൾക്കും അവധിയായിരിക്കുമ്പോൾ ഹോസ്റ്റലുകൾക്ക് അവധിയായിരിക്കണമെന്നാണ് നിർദ്ദേശം. അക്കാദമിക്ക് ആവശ്യങ്ങൾക്ക് മാത്രം അവധിക്കാലത്ത് അനുമതിയോടെ ഹോസ്റ്റലിൽ തങ്ങാൻ അനുമതി നൽകാനാണ് നിർദ്ദേശം.
