തദ്ദേശ തെരഞ്ഞെടുപ്പ്: ആദ്യ രണ്ട് മണിക്കൂറില് പോളിങ് പത്ത് ശതമാനം; കോഴിക്കോട് ജില്ലയി
കോഴിക്കോട്: സംസ്ഥാനത്ത് തദ്ദേശ തെരഞ്ഞെടുപ്പിന്റെ രണ്ടാംഘട്ട പോളിംഗ് പുരോഗമിക്കുന്നു. ആദ്യ രണ്ട് മണിക്കൂര് പിന്നിട്ടപ്പോള് പോളിംഗ് പത്ത് ശതമാനത്തോളമെത്തി. പാലക്കാടും മലപ്പുറത്തും കോഴിക്കോടും കണ്ണൂരുമാണ് പോളിംഗ് ശതമാനത്തില് മുന്നിലുള്ളത്. രാവിലെ ഒമ്പത് മണി വരെയുള്ള കണക്കുകള് അനുസരിച്ച് 8.82 ശതമാനമാണ് പോളിംഗ്. തൃശൂര് -8. 94%, പാലക്കാട്- 9.18%, മലപ്പുറം- 8.78%, കോഴിക്കോട്- 8.61%, വയനാട് -9.91%, കണ്ണൂര്- 8.4%, കാസര്ക്കോട്- 8.75% എന്നിങ്ങനെയാണ് ജില്ല തിരിച്ചുള്ള പോളിംഗ് ശതമാനം.രാവിലെ തന്നെ പലയിടത്തും ബൂത്തുകളില് വോട്ടര്മാരുടെ നീണ്ട നിരയാണ്. നൂറിലേറെ ബൂത്തുകളില് വോട്ടിംഗ് യന്ത്രങ്ങളിലെ തകരാര് കാരണം പോളിംഗ് തടസ്സപ്പെട്ടു. വടകര ചോറോട് പഞ്ചായത്ത് 23 വാര്ഡ് ബൂത്ത് ഒന്നില് വോട്ടിംഗ് മെഷീന് തകരാറിലായി. ഇതുവരെ മോക്ക് പോളിംഗ് നടത്താന് ആയില്ല. കിഴക്കോത്ത് പഞ്ചായത്തിലെ ബൂത്ത് രണ്ടിലും മെഷീന് തകരാറിലായി. ഉണ്ണികുളം പഞ്ചായത്തിലെ പൂനൂരില് കോളോത്ത് യു.പി.സ്കൂളിലെ ബൂത്തില് യന്ത്രത്തകരാറിനെ തുടര്ന്ന് വോട്ടിങ് ഇതുവരെ തുടങ്ങിയിട്ടില്ല.
