നന്തി ബസാർ: ദേശീയപാതയിൽ നന്തി റെയിൽവേ മേൽപാലത്തിന് തെക്ക് ഭാഗത്തായി പഴയ ടോൾ ബൂത്തിന് സമീപം വീണ്ടും ശുചിമുറി മാലിന്യം തള്ളി. ഇരുട്ടിന്റെ മറവിൽ സാമൂഹ്യവിരുദ്ധർ തള്ളിയ മാലിന്യം പ്രദേശത്ത് കടുത്ത ദുർഗന്ധം പരത്തുകയാണ്. ഈ ഭാഗത്ത് സമാനമായ രീതിയിൽ മാലിന്യം തള്ളുന്ന നാലാമത്തെ സംഭവമാണിത്. ദുർഗന്ധം വമിച്ചതിനെത്തുടർന്ന് നടത്തിയ തിരച്ചിലിലാണ് മാലിന്യം തള്ളിയത് ശ്രദ്ധയിൽപ്പെട്ടത്. ഉടൻ തന്നെ വാർഡ് മെമ്പർ സവിത മുടാടി ഗ്രാമപഞ്ചായത്തിലും പോലീസിലും വിവരം അറിയിച്ചെങ്കിലും അധികൃതർ ഇതുവരെ തിരിഞ്ഞുനോക്കിയില്ലെന്ന് നാട്ടുകാർ ആരോപിക്കുന്നു.