കല്ലറ:പനി ബാധിച്ച നിലയിൽ ആശുപത്രിയിൽ പ്രവേശിപ്പിച്ച ഒമ്പതാം ക്ലാസ് വിദ്യാർഥിനി മരിച്ചു. ഭരതന്നൂർ ജി.എച്ച്.എസ്.എസ്. വിദ്യാർഥിനി ദിയാ എം.ഹരിയാണ് (14) മരിച്ചത്.
ലെനിൽകുന്ന് തെക്കുംകര പുത്തൻ വീട്ടിൽ വി. ഹരീഷിന്റെയും (ആർട്ടിസാൺസ് കോൺഗ്രസ് സംസ്ഥാന സെക്രട്ടറി, കോൺഗസ് കല്ലറ ബ്ലോക്ക് സെക്രട്ടറി) മിനിയുടെയും ഏക മകളാണ്. ബുധനാഴ്ച കുട്ടിയെ പനി ബാധിച്ചതിനെ തുടർന്ന് പാങ്ങോട്ടെ സ്വകാര്യ സ്വകാര്യ ആശുപത്രിയിൽ കൊണ്ടു പോയങ്കിലും അവിടത്തെ ഡോക്‌ടർ മെഡിക്കൽ കോളജിൽ പോകാൻ നിർദ്ദേശിച്ചു. തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും വെളളിയാഴ്ച പുലർച്ചെ മരണമടയുകയായിരുന്നു.
