പേരാമ്പ്ര: പേരാമ്പ്രയില്‍ യുവാവ് തോട്ടില്‍ മരിച്ച നിലയില്‍. ഹൈസ്‌കൂളിനടുത്ത് കിഴക്കേ ചങ്ങരത്ത് കുന്നുമ്മല്‍ സുധീഷിനെ (45)ആണു മരിച്ചനിലയില്‍ കണ്ടെത്തിയത്. പേരാമ്പ്രയിലെ ഓട്ടോ ഡ്രൈവറാണ്. രാവിലെ 9.15 ഓടെ ആണു സംഭവം.
പനി ആയതിനാല്‍ താലൂക്ക് ഹോസ്പിറ്റലില്‍ പോയിരുന്നു. പിന്നീട് വീട്ടില്‍ എത്താത്തതിനെ തുടര്‍ന്ന് നടത്തിയ അന്വേഷണത്തിലാണ് വീടിനു സമീപത്തെ തോട്ടില്‍ കമിഴ്ന്നു കിടക്കുന്ന നിലയില്‍ കണ്ടെത്തിയത്. ഉടന്‍ താലൂക് ആശുപത്രിയില്‍ എത്തിച്ചേങ്കിലും മരിച്ചിരുന്നു. പോസ്റ്റുമോര്‍ട്ടത്തിനുശേഷം മൃതദേഹം വീട്ടുവളപ്പില്‍ സംസ്‌കരിക്കും.
പരേതരായ അരിയന്റെയും മാധവിയുടെയും മകനാണ്. ഭാര്യ: ശ്രീജ കിഴിഞ്ഞാണ്യം.
സഹോദരങ്ങള്‍. ജാനകി ബാബു, നാരായണി, ശാന്ത, യശോദ, രതീഷ്
