വടകര: സ്വകാര്യ ബസിൽ യാത്ര ചെയ്യുകയായിരുന്ന കോളേജ് വിദ്യാർത്ഥിനിയെ ലൈംഗികമായി അതിക്രമിച്ച കേസിൽ യുവാവ് പിടിയിലായി. എടച്ചേരി കൊല്ലക്കണ്ടി സ്വദേശി രനുദിവാനെയാണ് വടകര പോലീസ് അറസ്റ്റ് ചെയ്തത്.
വ്യാഴാഴ്ച വടകര – പേരാമ്പ്ര റൂട്ടിലോടുന്ന ബസിൽ വെച്ചായിരുന്നു സംഭവം. യാത്രയ്ക്കിടെ പ്രതി പെൺകുട്ടിയോട് മോശമായി പെരുമാറുകയായിരുന്നു. തുടർന്ന് വിദ്യാർത്ഥിനി നൽകിയ പരാതിയിൽ വടകര പോലീസ് കേസെടുത്ത് അന്വേഷണം ആരംഭിക്കുകയും പ്രതിയെ ഉടൻ തന്നെ കസ്റ്റഡിയിലെടുക്കുകയുമായിരുന്നു.
