സംസ്ഥാനത്ത് വിപണിയിലുള്ളതും ഗുണനിലവാരം ഇല്ലാത്തതുമായ ഒരു കൂട്ടം മരുന്നുകള്‍ നിരോധിച്ച് ഡ്രഗ്സ് കണ്‍ട്രോളര്‍.
ഡ്രഗ്സ് കണ്‍ട്രോള്‍ വകുപ്പിലെ വിവിധ മരുന്ന് പരിശോധന ലബോറട്ടറികളില്‍ നടത്തിയ പരിശോധനയെ തുടർന്നാണ് കണ്ടെത്തൽ. ഇത്തരം മരുന്നുകളുടെ ബാച്ചിൻ്റെ വിതരണവും വില്‍പ്പനയും സംസ്ഥാനത്ത് നിരോധിച്ചു.
സര്‍ക്കാര്‍ പട്ടികയിലുള്ള മരുന്നുകളുടെ സ്റ്റോക്ക് കൈവശമുള്ള വ്യാപാരികളും ആശുപത്രികളും അവ തിരികെ വിതരണക്കാരന് നല്‍കണം.
ഇതുമായി ബന്ധപ്പെട്ട വിശദാംശങ്ങള്‍ ബന്ധപ്പെട്ട ജില്ലാ ഡ്രഗ്സ് കണ്‍ട്രോള്‍ അധികാരികളെ അറിയിക്കണമെന്ന് സംസ്ഥാന ഡ്രഗ്സ് കണ്‍ട്രോളര്‍ അറിയിച്ചു.
