വടകര: അധ്യാപികമാര്‍ പ്രതികളായ വടകര എംഡിഎംഎ കേസിലെ മുഖ്യ പ്രതി വയനാട് സ്വദേശി ഷിന്റോ ഷിബു അറസ്റ്റില്‍. ഒളിവിലായിരുന്ന ഇയാളെ ഹൈദരാബാദില്‍ നിന്നാണ് അന്വേഷണ സംഘം പിടികൂടിയത്. എംഡിഎംഎ ഇടപാടുകളുടെ ആസൂത്രകൻ ഇയാളാണെന്നാണ് നിഗമനം. ഹൈദരാബാദ് പോലീന്റെ സഹായത്തോടെയാണ് കോഴിക്കോട് സിറ്റി പൊലീസ് പ്രതിയെ പിടികൂടിയത്. ലഹരിമരുന്ന് ഇടപാടുകളുമായി ബന്ധപ്പെട്ട് പ്രതികളുടെ ബാങ്ക് അക്കൗണ്ടുകള്‍ വഴി ലക്ഷക്കണക്കിന് രൂപയുടെ സാമ്പത്തിക ഇടപാടുകള്‍ നടന്നിട്ടുണ്ട്. വടകരയില്‍ സഫ്വാന്‍ എന്ന യുവാവിനെ എംഡിഎംഎയുമായി പിടികൂടിയതോടെയാണ് സംഭവങ്ങളുടെ തുടക്കം. അന്വേഷണത്തില്‍ അധ്യാപികമാരുടെ […]

തിരുവനന്തപുരം: എൽപിഎസ്ടി സമരസമിതി നേതാവ് എസ് വളർമതിയുടെ ആരോഗ്യനില ഗുരുതരമെന്ന് ആശുപത്രി അധികൃതർ. ശരീരത്തിലെ മഗ്‌നീഷ്യത്തിന്റെയും, സോഡിയത്തിന്റെയും അളവ് കുറവെന്ന് ഡോക്ടേഴ്സ്. ആശുപത്രിയിലും വളർമതി നിരാഹാരം തുടരുന്നു. വളർമതി നിരാഹാരം അവസാനിപ്പിക്കാതെ ചികിത്സയിൽ കാര്യമില്ലെന്ന് ജനറൽ ആശുപത്രി ആർഎംഒ വ്യക്തമാക്കി. വളർമതിയുടെ നിരാഹാരം ഇന്ന് ഇരുപതാം ദിവസത്തിലാണ്. യുഡിഎഫ് സർക്കാരിന്റെ വാഗ്ദാന ലംഘനത്തിനെതിരായ എൽപിഎസ്ടി സമരം ആരംഭിച്ചിട്ട് 132 ദിവസം പിന്നിടുകയാണ്. എൽപിഎസ്ടി റാങ്ക് ഹോൾഡർ ജയകൃഷ്ണന്റെയും സിജെപിയുടെയും നിരാഹാം മൂന്നാം ദിവസത്തേയ്ക്ക് കടന്നു. ആരോഗ്യനില മോശമായതിനെ […]

പുനർജനി പദ്ധതിയിലെ വിജിലൻസ് അന്വേഷണം അവസാനിപ്പിച്ച നടപടി ചോദ്യം ചെയ്ത് കെ.എം.ഷാജഹാൻ ഹൈക്കോടതിയിൽ. എംഎൽഎ ആയിരിക്കെ വി. ഡി സതീശൻ നടത്തിയ സാമ്പത്തിക ഇടപാടുകൾ ദുരൂഹമെന്ന് ഹർജിയിൽ ആരോപിക്കുന്നു. വിജിലൻസ് അന്വേഷണത്തിൽ ഗുരുതര ക്രമക്കേട് കണ്ടെത്തിയിരുന്നു. കേസ് സിബിഐക്ക് വിടണം എന്നായിരുന്നു അന്നത്തെ വിജിലൻസ് ഡയറക്ടറുടെ ശിപാർശ. ശിപാർശയ്ക്ക് പിന്നാലെ യോഗേഷ് ഗുപ്തയെ വിജിലൻസ് ഡയറക്ടർ സ്ഥാനത്തുനിന്ന് മാറ്റി. നിയമസഭാ തിരഞ്ഞെടുപ്പ് ഫലത്തിന് പിന്നാലെ കേസ് വിജിലൻസ് അവസാനിപ്പിച്ചു. വ്യക്തമായ തെളിവുണ്ടായിട്ടും ക്ലീൻ ചിറ്റ് നൽകിയത് നിയമവിരുദ്ധമാണ്. […]

തിരുവനന്തപുരം: മന്ത്രിമാർക്ക് പുതിയ കാറുകൾ വാങ്ങാൻ സർക്കാർ. മന്ത്രിമാരുടെ കാലപ്പഴക്കമുള്ള വാഹനങ്ങൾ മാറ്റാനാണ് നിർദ്ദേശം. 24 ഇന്നോവ കാറുകൾ വാങ്ങാൻ ആണ് സർക്കാർ ഉത്തരവിട്ടത്. 9 കോടി 60 ലക്ഷം രൂപയാണ് ചെലവ് വരിക. ടൂറിസം ഡിപ്പാർട്ട്മെന്റിന്റെ പണം ഉപയോഗിച്ചാണ് വാഹനങ്ങൾ വാങ്ങുന്നത്. ഇതിൽ 22 വാഹനങ്ങൾ മന്ത്രിമാർക്കും ബാക്കിയുള്ള രണ്ട് വാഹനങ്ങൾ വി.ഐ.പികളുടെയും വിദേശ അതിഥികളുടെയും സന്ദർശനങ്ങളുമായി ബന്ധപ്പെട്ട പ്രോട്ടോക്കോൾ ആവശ്യങ്ങൾക്കായി ഉപയോഗിക്കും. വാഹനങ്ങൾ മാറ്റണമെന്ന നിർദേശങ്ങൾ നേരത്തെ തന്നെ ഉയർന്നിരുന്നു. പിന്നാലെയാണ് മന്ത്രിമാർക്ക് പുതിയ […]

കൊച്ചി: കാലടി സംസ്‌കൃത സർവകലാശാലയിലെ സസ്പെൻഷനെതിരെ നിരാഹാര സമരം നടത്തുന്ന വിദ്യാർഥികളെ പോലീസ് ആശുപത്രിയിലേക്ക് മാറ്റി. വൈദ്യപരിശോധനയ്ക്കായി ആദ്യം അങ്കമാലി താലൂക്ക് ആശുപത്രിയിലേക്കും തുടർന്ന് ലിറ്റിൽ ഫ്ലവർ ആശുപത്രിയിലേക്കുമാണ് വിദ്യാർഥികളെ മാറ്റുന്നത്. സമരം നടത്തുന്ന പി എം അശ്വന്ത്, കെ വി അഭിജിത്ത്, പി എസ് അർച്ചന എന്നിവരെയാണ് ആശുപത്രിയിലേക്ക് മാറ്റിയത്. ഇവർക്ക് പകരമായി ശിവ, ശ്രദ്ധ, അതുല്യ എന്നീ മൂന്ന് വിദ്യാർഥികൾ നിരാഹാര സമരം തുടരും. എന്ത് സംഭവിച്ചാലും സമരത്തിൽ നിന്ന് പിന്നോട്ടില്ലെന്ന് എസ്എഫ്ഐ അറിയിച്ചു.

കൊച്ചി: കൊച്ചിയിൽ ഡോക്ടർക്കെതിരായ ബലാത്സംഗ കേസിൽ ഡോ. ജോൺസൺ കെ വർഗീസിനെതിരെ പത്തനംതിട്ടയിലെ സ്വകാര്യ ആശുപത്രിയിലും പരാതി. മോശമായി പെരുമാറിയെന്നായിരുന്നു ആശുപത്രി ജീവനക്കാരിയുടെ പരാതി. പത്തനംതിട്ടയിലെ ആശുപത്രിയിൽ നിന്ന് ഇൻഫോപാർക്ക് പോലീസ് വിവരങ്ങൾ തേടിയിട്ടുണ്ട്. ഡോക്ടർ ജോൺസൺ കെ വർഗീസിനെതിരെ ഗുരുതരമായ വിവരങ്ങളാണ് പോലീസിന് ലഭിക്കുന്നത്. ഡോക്ടർ പത്തനംതിട്ടയിൽ ജോലി ചെയ്തിരുന്ന കാലത്ത് ആശുപത്രി ജീവനക്കാരിയോട് മോശമായി പെരുമാറി എന്ന് പരാതി ഉയർന്നിരുന്നു. പിന്നാലെ ആശുപത്രിയിൽ നിന്ന് പുറത്താക്കിയെന്നാണ് പോലീസിന് ലഭിച്ച വിവരം. കൊച്ചിയിലെ ആശുപത്രിയിൽ നിന്നും […]

കൊല്ലം: ചടയമംഗലത്ത് എട്ടാം ക്ലാസുകാരനെ അതിക്രൂരമായി മർദ്ദിച്ച രണ്ടാനച്ഛൻ പിടിയിൽ. മുഖ്യമന്ത്രിയുടെ ഇടപെടലിന് പിന്നാലെ ഓയൂരിൽ നിന്നാണ് പ്രതി രാജേഷിനെ പിടികൂടിയത്. മദ്യലഹരിയിൽ രാജേഷ് കുട്ടിയെ മർദ്ദിക്കുന്ന ദൃശ്യങ്ങൾ പുറത്തുവന്നിരുന്നു.രാജേഷിന് കുട്ടിയെ ഇഷ്ടമല്ലെന്ന് കുഞ്ഞിന്റെ മാതാവ് ശാലിനി പ്രതികരിച്ചു. മദ്യപിച്ചാൽ എന്നും കുട്ടിയെ അടിക്കുമെന്നും അസഭ്യം പറയുമെന്നും മാതാവ് പറഞ്ഞു. കുട്ടിയുടെ അമ്മ പകർത്തിയ മർദ്ദനത്തിന്റെ ദൃശ്യങ്ങൾ പുറത്തുവന്നതോടെയാണ് സംഭവം ലോകമറിഞ്ഞതും ചടയമംഗലം പൊലീസ് അന്വേഷണം ആരംഭിച്ചതും. ആദ്യ വിവാഹത്തിലെ മകനോടുള്ള ഇഷ്ടക്കേടാണ് ഈ ക്രൂരതയ്ക്ക് പിന്നിലെന്ന് […]

ദില്ലി: ട്രെയിൻ യാത്രക്കാരുടെ ദീർഘകാലമായുള്ള ആശങ്കകളും പരാതികളും പരിഗണിച്ച് നിലവിലുള്ള ആർ എ സി (RAC) സംവിധാനം ഒഴിവാക്കാൻ ഇന്ത്യൻ റെയിൽവെയുടെ നീക്കം. നിലവിലെ ആർ എ സി സംവിധാനമനുസരിച്ച് രണ്ട് യാത്രക്കാർക്കായി ഒരു ബെർത്ത് മാത്രമാണ് അനുവദിക്കുന്നത്. പകുതി ബെർത്ത് മാത്രമാണ് ലഭിക്കുന്നതെങ്കിലും യാത്രക്കാരിൽ നിന്ന് മുഴുവൻ ടിക്കറ്റ് നിരക്കാണ് ഈടാക്കുന്നത്. ഇത് യാത്രക്കാർക്കിടയിൽ വലിയ പ്രതിഷേധത്തിനും അസൗകര്യങ്ങൾക്കും കാരണമാകുന്ന സാഹചര്യത്തിലാണ് പുതിയ പരിഷ്കരണത്തിന് ആലോചന നടക്കുന്നത്. പണം മുഴുവൻ നൽകുന്ന യാത്രക്കാർക്ക് പൂർണ്ണമായ ബെർത്തുകൾ […]

തിരുവനന്തപുരം: സമൂഹമാധ്യമത്തിലൂടെ പരിചയപ്പെട്ട യുവതിയിൽ നിന്നു പണംതട്ടിയെടുത്തെന്ന കേസിൽ, മിമിക്രി കലാകാരനായ തൃശൂർ സ്വദേശി അറസ്റ്റിൽ. അരനാട്ടുകര ഒളരിക്കര സ്വദേശി സതീഷ് ഒളരിയെന്ന വി.ബി.സതീഷി (47)നെയാണ് വിഴിഞ്ഞം പൊലീസ് പിടികൂടിയത്. വിഴിഞ്ഞം കോട്ടപ്പുറം സ്വദേശിനിയുടെ പരാതിയിലാണ് അറസ്റ്റ്. കഴിഞ്ഞ ഡിസംബർ മുതൽ ഫെബ്രുവരി വരെ പലപ്പോഴായി 1.25 ലക്ഷം രൂപ യുപിഐ വഴി വാങ്ങിയെന്നാണ് പരാതി. 20,300 രൂപയുടെ ഇലക്ട്രോണിക്സ് മുതലും വിമാനടിക്കറ്റ് എടുത്ത വകയിൽ 20,400 രൂപയും തട്ടിയെടുത്തുവെന്നു പൊലീസ് പറഞ്ഞു. പണം തിരികെ ചോദിച്ചപ്പോൾ […]

പേരാമ്പ്ര : ബാങ്ക് ഉദ്യോഗസ്ഥർ വീട് ജപ്തിചെയ്യാനെത്തുന്നതറിഞ്ഞ് വീട്ടമ്മ ജീവനൊടുക്കി. കൂത്താളി കേളൻമുക്ക് കുഞ്ഞോത്ത് കൂയോടൻകണ്ടി ബാബുവിന്റെ ഭാര്യ കവിത (42) ആണ് മരിച്ചത്. ഇന്ന് ഉച്ചക്ക് 12 മണിയോടെയായിരുന്നു സംഭവം. അഞ്ചുവർഷംമുൻപാണ് സൗത്ത് ഇന്ത്യൻ ബാങ്കിന്റെ നടുവണ്ണൂർ ശാഖയിൽനിന്ന് 25 ലക്ഷംരൂപ വീടിന്റെ നിർമാണത്തിനായി ലോണെടുത്തത്. ആദ്യഘട്ടത്തിൽ പണമടച്ചുപോന്ന കുടുംബത്തിന് പിന്നീട് തുക അടയ്ക്കാൻ കഴിയാത്ത സ്ഥിതിയുണ്ടായി. തുടർന്ന് ഇത് പെരുകി അഞ്ചുവർഷംകൊണ്ട് 50 ലക്ഷം രൂപയിലെത്തി. പിന്നീട് ബാങ്കുമായുള്ള ചർച്ചയിൽ 15 ലക്ഷം രൂപ […]