പയ്യോളി: പിന്നോക്ക വിഭാഗങ്ങുടെ സാമ്പത്തിക സാമൂഹിക വിദ്യാഭ്യാസ ഉന്നമനവും സംരംഭകങ്ങൾ ആരംഭിക്കുന്നതിനും വികസിപ്പിക്കുന്നതിനും വേണ്ടി കേരള പിന്നോക്ക വികസന കോർപ്പറേഷൻ പയ്യോളി നഗരസഭ കുടുംബ ശ്രീ സി ഡി എസിന് അപേക്ഷിച്ചത് പ്രകാരം 3 കോടി രൂപ വായ്പ അനുവദിച്ചിട്ടുണ്ട്. 4 ശതമാനം പലിശ ഈടാക്കിയാണ് ലോൺ തിരിച്ചടവ്. അർഹരായ 64 അയൽക്കൂട്ടങ്ങൾക്കും 13 സംരംഭ ഗ്രൂപ്പുകൾക്കുമാണ് വായ്പ വിതരണം ചെയ്യുന്നത്.

നാളെ ഇരിങ്ങൽ സർഗ്ഗാലയിൽ വെച്ച് കൊയിലാണ്ടി എം എൽ എ കാനത്തിൽ ജമീല സിഡിഎസ് വായ്പാ വിതരണം ഉദ്ഘാടനം ചെയ്യും. നഗരസഭ ചെയർമാൻ അയൽക്കൂട്ട വായ്പാ വിതരണം നിർവ്വഹിക്കും. പിന്നോക്ക വികസന കോർപ്പറേഷൻ ചെയർമാൻ അഡ്വ കെ. പ്രസാദ് അധ്യക്ഷത ചടങ്ങിൽ അധ്യക്ഷനാവും.