തിരുവനന്തപുരം : സംസ്ഥാന സര്‍ക്കാരുകളോടുള്ള കേന്ദ്രസര്‍ക്കാരിന്‍റെ സമീപനത്തിലെ രാഷ്ട്രീയത്തെ വിമര്‍ശിച്ച് സുപ്രീംകോടതി. നാഗാലാന്‍ഡില്‍ തദ്ദേശസ്വയംഭരണ സ്ഥാപനങ്ങളില്‍ 33 % വനിതാ സംവരണം നടപ്പാക്കാത്ത കേസ് പരിഗണിക്കവെയാണ് കേന്ദ്രസര്‍ക്കാരിന്‍റെ രാഷ്ട്രീയ സമീപനത്തിനെതിരെ ഗുരുതര പരാമര്‍ശം. നാഗാലാന്‍ഡ് നിങ്ങളുടെ സര്‍ക്കാരല്ലേ ഭരിക്കുന്നത്, നിങ്ങള്‍ ഭരിക്കുന്ന സംസ്ഥാന സര്‍ക്കാരുകള്‍ക്കെതിരെ എന്തുകൊണ്ട് നടപടിയെടുക്കുന്നില്ലെന്ന് ജസ്റ്റീസ് എസ്.കെ.കൗള്‍ കേന്ദ്രസര്‍ക്കാരിനോട് ചോദിച്ചു.
