കുറ്റ്യാടി വയനാട് റോഡിൽ സ്വകാര്യ ബസും ബൈക്കും കൂട്ടിയിടിച്ച് യുവാവ് മരിച്ചു

May 10, 2025, 8:42 am GMT+0000 payyolionline.in

കോഴിക്കോട്∙ കുറ്റ്യാടി വയനാട് റോഡിൽ സ്വകാര്യ ബസും ബൈക്കും കൂട്ടിയിടിച്ചു യുവാവ് മരിച്ചു. പൂളക്കണ്ടി അടുക്കത്ത് നബീൽ (43) ആണ് മരിച്ചത്. തളീക്കര കഞ്ഞിരോളിയിൽ ഇന്നു രാവിലെ ഒൻപതു മണിയോടെയായിരുന്നു അപകടം. മൃതദേഹം മെഡിക്കൽ കോളജ് ആശുപത്രിയിലേക്കു മാറ്റി. തൊട്ടിൽപ്പാലത്തേക്കു പോകുകയായിരുന്ന നബീലിന്റെ ബൈക്കിൽ ബസ് ഇടിക്കുകയായിരുന്നെന്ന് ദൃക്‌സാക്ഷികൾ പറഞ്ഞു. സംഭവത്തിൽ പ്രതിഷേധിച്ചു നാട്ടുകാർ കഞ്ഞിരോലി കുറ്റ്യാടി റോഡ് ഉപരോധിച്ചു. പൊലീസ് ഇടപെട്ട് ഉപരോധം അവസാനിപ്പിച്ചു.