പയ്യോളി: അയനിക്കാട് പാലേരിമുക്ക് യുവധാര ഗ്രന്ഥലയം നോവലിസ്റ്റിനൊപ്പം പരിപാടി സംഘടിപ്പിച്ചു.പുള്ളിയൻ നോവലിനെ കുറിച്ച് നടന്ന പുസ്തക ചർച്ച, താലൂക്ക് ലൈബ്രറി കൗൺസിൽ അംഗം സി.കെ.ജയകൃഷ്ണൻ ഉദ്ഘാടനം ചെയ്തു. പ്രൊഫ:എൻ.കെ.സുനിൽകുമാർ പുസ്തകാവതരണം നടത്തി.പുള്ളിയൻ നോവൽ രചനയെ കുറിച്ച് ഡോ:സോമൻ കടലൂർ സംസാരിച്ചു. കെ.എൽ ലിജീഷ് അദ്ദേഹത്തെ പൊന്നാട അണിയിച്ച് ആദരിച്ചു. കുറൂളി രാജേന്ദ്രൻ അധ്യക്ഷത വഹിച്ച ചടങ്ങില്‍ അഖിൽ എളോടി സ്വാഗതവും എം.സി.സുരേഷ് കുമാർ നന്ദിയും പറഞ്ഞു.
